سمير صبري كان من أقرب أصدقاء العندليب الأسمر
السبت - 15 نوفمبر 2025 - الساعة 05:33 م بتوقيت العاصمة عدن
" عدن سيتي " متابعات
وبيحكي إن في يوم عبد الحليم طلب منه يروح معاه مشوار الساعة 12 بالليل، من غير ما يقول له رايحين فين.
وفجأة اكتشف سمير إنهم رايحين المسرح اللي حيغني فيه عبد الحليم تاني يوم! 🎤
عبد الحليم دخل المسرح الفاضي، قعد شوية في أول صف، وبعدين طلع يتمشى على المسرح، يبص للكراسي، يدخل الكواليس ويخرج تاني.. وسمير واقف مش فاهم هو بيعمل كده ليه.
وبعد شوية عبد الحليم قال له السر:
إن الموسيقار الكبير محمد عبد الوهاب كان قايله نصيحة عمره ما نسيها
قال له:
"ما تطلعش تغني على أي مسرح قبل ما تزوره وانت فاضي، عشان تتعود على المكان وتحس بألفه بينك وبينه، وتقدر تواجه الجمهور وأنت مرتاح وواثق." 🎶
ومن ساعتها عبد الحليم حافظ كان بيعمل كده قبل كل حفلة، مهما كانت خبرته أو شهرته.
والجميل إن سمير صبري اتأثر بيه وورث منه العادة دي، وكان هو كمان لما يغني في أي حفلة أو مناسبة لازم يزور المكان قبلها بيوم، يتمشى فيه ويحس بروحه، لأنه اكتشف إن ده بيفرق معاه نفسيًا وأدائيًا بشكل كبير جدًا.
يا سلام على جيل كان الفن عنده صدق وإحساس مش مجرد شغل!
عينيك بتبكي عليك بمرارة يا عبد الحليم..
خسارة، خسارة فراقك يا جارة، 💔