تعرف على الفنانة إيمان الطوخي، القمر اللي خطفت القلوب بجمالها الطبيعي وصوتها الرقيق.

الجمعة - 20 ديسمبر 2024 - الساعة 09:06 م بتوقيت العاصمة عدن

" عدن سيتي " متابعات

تعالوا نعرف مع بعض مين هى الفنانة إيمان الطوخي، القمر اللي خطفت القلوب بجمالها الطبيعي وصوتها الرقيق. بنت الفنان الكبير محمد الطوخي، درست إعلام واتخرجت سنة 1980، وبدأت مشوارها الفني بعدها بسنتين بس، ورغم إنها كانت موهوبة جدًا، قررت تعتزل الفن سنة 1997 بعد 15 سنة شغل بسبب إن الوسط اتغير اوى .

إيمان كانت فنانة شاملة، قدمت مسلسلات زي "رأفت الهجان" اللي اتعلّق بيه الناس جدًا، و"بوابة الحلواني" اللي كان من علامات الدراما المصرية، وكمان أفلام زي "دماء على الأسفلت" و"بيت الكوامل". بجانب التمثيل، صوتها العذب ظهر في أغاني كتير خلّت الناس تحبها أكتر، زي "النظرة الأولى".

رغم نجاحها الكبير، حياتها الشخصية كانت مليانة شائعات، أشهرها إنها اتجوزت الرئيس الأسبق حسني مبارك سرًا، وده كان سبب لكلام كتير حوالين حياتها.

محمد ضياء، الموسيقار اللي كان خطيبها لفترة، حكى شوية عن حياتها في برنامج مع الإعلامية ياسمين عز. قال إنه اتعرف عليها لما طلبت منه يعمل أغنية جديدة اسمها "النظرة الأولى"، ومن هنا بدأ بينهم قصة حب استمرت 3 سنين واتكللت بالخطوبة. رغم إن فيه فرق 9 سنين في السن لصالحها، لكن الحب كان أقوى من أي حاجة.

محمد ضياء، قال عنها إنها إنسانة بسيطة وهادية جدًا، بتحب الحيوانات،وكان دايماً يقول: "اللي يحب الحيوانات يبقى إنسان جميل."
. وحتى لما علاقتهم انتهت، فضل يحترمها ويدافع عنها ضد أي كلام .

واحدة من المواقف اللي بتبين طيبة قلبها لما راحت حديقة الحيوان وشافت ست حامل بتجري وراها من كتر حبها ليها، لما عرفت ان الست دى تعبت ..إيمان فضلت تزورها في المستشفى كل يوم لحد ما خفت.

إيمان الطوخي، الممثلة القمر اللي خطفت القلوب بجمالها ورقتها وصوتها الحلو، تعتبر واحدة من علامات الفن اللي غابت بدري عن الساحة، بس لسه اسمها دايماً موجود في ذكريات الناس. الجمال والموهبة كانوا سر حب الناس ليها، والاعتزال المفاجئ خلاها لغز بيشد الكل.

قولولنا ايه اكتر فيلم بتحبوه ليها
وماتنسوش الايك والشير