عدم استدعاء محمد الشناوي ل قائمة منتخب مصر طلع موضوع كبير

الإثنين - 21 سبتمبر 2026 - الساعة 02:05 م بتوقيت العاصمة عدن

عدن سيتي _متابعات

وفقا ل الصحفي كريم رزق الله 🗣 كواليس اللي حصل بين الشناوي وحسام حسن قبل ماتش إيران:

قبل بطولة كأس العالم، كان فيه اتفاق بين جهاز المنتخب والشناوي إن في حالة إننا ضمنا التأهل قبل ماتش إيران أو قربنا نصعد، أو لو الماتش ملوش لازمة لا قدر الله، الشناوي هيشارك علشان تتحسبله المشاركة في تاني كأس عالم في تاريخه.

عدّى الماتش الأول والتاني، وجه ماتش إيران. في محاضرة الماتش التالت في الفندق، حسام حسن كتب اسم مصطفى شوبير في التشكيل، وبعدها راحوا الاستاد، والشناوي وقتها مكانش ليه أي رد فعل.

لما وصلوا الاستاد، الشناوي كلم إداري وقاله: بلغ كابتن إبراهيم إني مضايق وممكن مقعدش على الدكة، خصوصًا إن معانا 4 حراس.

إبراهيم حسن راحله، والشناوي قاله: لو الكابتن الجوهري وعدك بحاجة، وارد جدًا إنها متنّفذش، بس كان بييجي يقولك قبلها.

إبراهيم قاله: استنى بس.

بعدها دخلوا أوضة فيها حسام وإبراهيم والشناوي وشوبير، وحسام قال لشوبير: أنا كنت قايل للشناوي إنه هيلعب الماتش ده، فاستأذنك إن الشناوي هو اللي يلعب.

شوبير رد: طبعًا يا كابتن، مفيش أي مشكلة.

بعدها وليد بدر، إداري المنتخب، دخل وقال: يا كابتن، أنا بعت الـScore Sheet خلاص، ولو غيرنا كده هيتحسب علينا تغيير.

بحسب الرواية، حكاية الـScore Sheet دي كانت سيناريو متفق عليه بين حسام حسن وشوبير وإداري الجهاز علشان الشناوي يقتنع بعدم المشاركة.