سرى الليل. " قصيدة "

الجمعة - 29 سبتمبر 2023 - الساعة 12:38 ص

الكاتب: خالد قائد صالح - ارشيف الكاتب

سرى الليل

سرى الليل ياهاجر وناسي الهوى
ذا القلب ياما انكوى وانته ولا فيك كيه

سرى الليل ياناسي رنين القبل
أنت نسيت والجبل يذكر لنا كل جيه

سرى الليل حتى البحر كم شافنا
نشرب كؤوس الهناء وايام عشنا سويه

سرى الليل والعذال كادوا لنا
لو جربوا حبنا عاشوا بعيشه هنيه

سرى الليل واظالم وبحرك عميق
وانا بوسطه غريق بالله ترحم شويه

سرى الليل كل الشوق عندي أنا
سنين مرت وأنا ساهن تشاور عليا

سرى الليل المهجه تدور عليك
والقلب يشتاق اليك مالي أنا بالبقيه

سرى الليل ذاب القلب من هجركم
ما يحتمل بعدكم بلا سبب أو قضيه

سرى الليل لو باقي في قلبك محل
ونجمنا ما افل بالقاك هذي العشيه

سرى الليل باجي لك وكلي امل
راضي وحكمك قبل ان كان لي أو عليا

سرى الليل وبانغنم ليالي ملاح
نحيي السمر للصباح ننسى الليالي الشقيه

شاهد أيضًا