يوم مليء بالصفعات المدوية على ترامب .
الأربعاء - 04 نوفمبر 2026 - الساعة 12:42 م بتوقيت العاصمة عدن
واشنطن " عدن سيتي " متابعات
ضربة مدوية نزلت عليه وعلى حزبه زي الصاعقة، وكأن الناس في أمريكا والعالم كله جابوا أخرهم خلاص وقرروا ينبذوه
لاحظ الخريطة وهي بتتقلب رأساً على عقب:
🟤 تكساس: قلعة الجمهوريين الحصينة اللي بقالها ٣٨ سنة تحت سيطرتهم، الولاية الجنوبية التاريخية، مرشح ترامب يخسرها! ومين اللي يكسبها؟ "تالاريكو"، الواعظ اللي لسة نازل تقطيع وانتقاد علني في المليارديرات وحيتان الفلوس.
🔴 ساوث كارولينا: "دارلين جراهام" اخت ليندسي جراهام، طارت هي كمان وخسرت قدام المرشحة الديمقراطية "أني اندروس".
🟢 نورث كارولينا: اللي كانت في جيب الجمهوريين من زمان، يكتسحها الديمقراطي "روي كوبر"، ومعاها جورجيا ونيو هامبشاير.. يعني الديمقراطيين خلاص على بعد خطوات بسيطة جداً ويحطوا إيديهم على أغلبية مجلس الشيوخ!
⚫️ كانساس: الولاية الريفية المضمونة اللي بصمتها جمهورية أباً عن جد، يقلبها القس الديمقراطي "آدم هاملتون" في مفاجأة تطير العقل.
🔵 المشهد الأخير والقاضية: كملت وتوجت بفوز "عبد الرحمن السيد" على روجرز، عشان تبقى العلقة تمام ومفيهاش غلطة.
أضف بقى لده كله: سقوط نتنياهو، وخروج صربيا والبرازيل من المعادلة، واكتساح الديمقراطيين لمجلس النواب طول بعرض!
كل ده بيوصل رسالة واحدة وواضحة زي الشمس: الناس لا بقت طايقة ترامب، ولا حوارات حركة "ماجا"، ولا الغلاء اللي يطير العقل، ولا الحرب على إيران والدعم اللي من غير حساب.
الشارع الأمريكي والعالم أجمع قالوا كلمتهم وخلوه يشرب المرار، بعد ما ودى حزبه في داهية وخسر النواب والشيوخ مع بعض.
بالشفا والهنا يا عم ترامب.. انهارده حقيقي من اسوء الايام في تاريخ ترامب
References
Mohaaamed ammiiiiir