الاب الذي استقبل ابنه المغترب بالرصاص بدل الاحضان...
الجمعة - 20 مارس 2026 - الساعة 02:29 ص بتوقيت العاصمة عدن
الشعيب " عدن سيتي " محمد العزكي
هذا الاب اللي هز اليمن كلها بجريمته؟ اللي استقبل ابنه المغترب بالرصاص بدل الاحضان؟ اليوم تم القبض عليه، والصدمة مش بس في القبض، الصدمة في "بجاحته" ووقاحته اللي ما يتخيلها عقل!
القاتل يساوم الامن! يقول لهم بكل برود: "خلوني اعيد في بيتي وبعد العيد بسلم نفسي"! اي عيد واي فرحة تتكلم عنها وانت ذبحت ابنك بدم بارد؟ انت قتلت العيد وهدمت البيت ولسه تفكر في نفسك؟ فعلا وقاحة مالها حدود.
بس المصيبة طلعت اكبر بكثير من اللي كنا نتخيله.. الاخبار تقول ان هذا المجرم مش اول مرة يقتل! هذا سبق وقتل زوجته -ام اولاده- وقال وقتها "بالغلط" ومرت الجريمة وخرج منها! واليوم يكرر نفس الفعلة ويقتل ابنه اللي رجع من الغربة بشوق ولهفة. يعني احنا امام "سفاح" متسلسل مستهتر بالارواح، مش مجرد اب اخطأ!
والكثير منكم يسأل ويقول ايش بيكون حكمه؟ ولازم الكل يفهم الحقيقة المرة.. في قاعدة فقهية وقانونية تقول "لا يقتص من الوالد بولده"، وهذا اللي يخلي البعض يظن انه بيخرج براءة او بيصوم شهرين وبس. لكن اسمعوا جيدا.. هذا الكلام لو كانت الجريمة عارضة، لكن لما يكون الشخص قتل زوجته واليوم قتل ابنه، فهذا اصبح "مفسد في الارض" وخطر حقيقي على المجتمع كله.
كيف سيتعامل القضاء مع هذه الجريمة المؤلمة؟؟؟
وويل للظالم من حكم رب السماء.
إنا لله وإنا إليه راجعون.